BAGUIO CITY – Inkari ti baro a dadaulo ti Baguio City Police Office (BCPO) ti panakaipatungpal ti naing-inget a panagbantay kadagiti border checkpoints ti siudad kasaruno dagiti report nga adda dagiti nakalusot kadagiti entry protocols.

Sigun kenni PCol. Glenn Lonogan, ninayonanna ti bilang dagiti pulis nga agbantay kadagiti checkpoints tapnu maipasigurado ti nainget a panakasurot dagiti pagaladagan no sumrek ditoy siudad.

-- Advertisement --

Kinunana nga adda idi adda nabasana a naipablaak a post nga adda ti nakastrek iti siudad nga awanan ti umno a dokumento ket personel a sinukimatna dagiti checkpoints kadagiti kangrunaan a kalsada a sumrek iti Baguio.

Dinakamatna nga inalerto ken pinalagipanna manen dagiti pulis ti siudad manipud iti panagliway dagitoy iti panangipatungpalda iti travel policies.

Innayonna nga iti nasao a panagsukimatna ket adda dagiti tattao a pinagkedkedanda a makastrek iti siudad gapu iti kaawan ti QR Code ken iti panagkedked dagitoy a maipasidong iti triage.

Imbilin met ni Mayor Benjamin Magalong ti panangresiba ni Executive Assistan IV Althea Alberto kadagiti travel policies ti siudad nangruna iti pagaladagan kadagiti drop-and-go ken passing through travellers.

Kinumpirmar met ni Alberto dagiti panaglabsing kadagiti drop-and-go travellers bayat a kiniddaw dagiti kaaruba a munisipyo ti triage requirement para kadagiti passing through travellers.