photo | POSD

BAGUIO CITY – Linawlawagan ti Public Order and Safety Division (POSD) ti nagduduma nga alegasyon wenno akusasyon kontra iti panangimplementarda iti mandatoda iti kampanya kontra iti illegal parking kadagiti kalkalsada ditoy siudad ti Baguio.

Iti interview ti Bombo Radyo Baguio, inyunay-unay ni POSD Deputy Chief Daryl Kim Longid nga iti binulan ket 10 nga accomplishment tunggal enforcer ti POSD ti ikalkalikagumda ken sakupen dagiti nasao nga accomplishments ti panangipatungpal iti anti-illegal parking, anti-smoking ken anti-illegal pedling.

-- Advertisement --

Kinunana a manipud mangrugi agingga agleppas ti duty ti maysa nga enforcer ket makita nga agtatrabaho daytoy gaputa masitar dagiti mawanawanan nga agsasadot wenno saan nga agtatrabaho.

(ni POSD Deputy Chief Daryl Kim Longid)

Sigun kenni Longid, standard operating procedure ti POSD a no adda dagiti lugan nga iligal a nakaparada ken adda ti driver iti asideg wenno uneg ti lugan ket papanawenda laeng dagitoy ken saandan a baklasan iti plaka.

Nupay kasta, kinunana a baklasenda laeng ti plaka dagiti lugan nga iligal a nakaparada no saanda a mabirukan ti driver daytoy kalpasan ti sumagmamano a gandat a mangbiruk iti nasao nga indibidual.

Inyunay-unayna nga iti central business district ti Baguio ket kadagiti laeng namarkaan ti white box ti mabalin a pagparadaan ken maiparit panagparada dagiti pribado a lugan kadagiti taxi stands.

(ni POSD Deputy Chief Daryl Kim Longid)

Impetteng pay ni Longid a sapasap ti panangipatungpalda iti panagbaklas ti plaka kadagiti iligal a nakaparada kadagiti kalsada ditoy siudad.

Impannakkelna a saan laeng a dagiti pribado a lugan a naglabsing iti anti-illegal parking ti bakbaklasanda ti plaka ken ipapaayanda iti tiket ngem ketdi, uray pay dagiti lugan ti gobyerno.

Kinunana nga adun a plaka ti lugan ti gobyerno ti nabaklas dagitoy.

(ni POSD Deputy Chief Daryl Kim Longid)