BAGUIO CITY – Maitampok sadiay Igorot Garden ditoy siudad ti Baguio ti nagduduma a produkto dagiti nagduduma nga organisasyon dagiti mannalon iti lokalidad.

Maitunos daytoy iti selebrasyon ti Urban Farmer’s Month tunggal Mayo a napagbalin a regular a selebrasyon ti siudad babaen iti City Ordinance No. 35, series of 2018.

-- Advertisement --

Bigbigbigen ti ordinansa ti saan a magatadan a kontribusyon dagiti mannalon iti panakaipasigurado ti kinatalged wenno umdas a suplay ti taraon ken iti nation building.

Gapu iti daytoy, inton May 11 agingga May 25 ket direkta a mailako dagiti nasao a mannalon kadagiti konsyumer dagiti produkto dagitoy.

Maipaayan met iti saggaysa a booth ti City Veterinary and Agriculture Office ken ti Department of Agriculture para iti panangiyam-ammoda kadagiti nagduduma a programa, serbisyo ken teknolohiya para iti urban agriculture.