-- ADVERTISEMENT --

BAGUIO CITY – Nagpalawag ti Land Transportation Office (LTO) – Cordillera seknan iti nabuntog ken panakaitantan ti panakaiwaras dagiti plaka dagiti motorsiklo iti rehiyon.

Iti interview ti Bombo Radyo Baguio, kinuna ni LTO-Cordillera Regional Director Francis Ray Almora a saan pay a nasimpa ti makina a maar-aramat iti panakaimprenta dagiti nasao a plaka ti motorsiklo.

Kinunana a gapu iti daytoy ket manual paylaeng ti panakaimprenta dagiti plaka ti motorsiklo isut gapuna nga adda ti schedule dagiti maim-imprenta a plaka gapu iti kaadu dagitoy.

– ni LTO-Cordillera Regional Director Francis Ray Almora

Imbinglay ni Dr. Almora nga 80 percent kadagiti motorcycle owners iti Cordillera a nagrehistro iti opisinada idi 2018 ti naipaayan ti plaka.

Dinakamatna metlaeng a pagparparikutan ita ti LTO-Cordillera ti panakaiwaras dagiti plaka gaputa saanda a mabirukan dagiti motorcycle dealers a gimmatangan dagiti nagaplikar ti plaka ti motorsiklo.

-- ADVERTISEMENT --
– ni LTO-Cordillera Regional Director Francis Ray Almora

Iti baet daytoy, impanamnamana a maipaayada latta dagiti plaka dagiti nagaplikar a motorcycle owners iti rehiyon apaman a malpas dagitoy.

Maipalagip nga immunan a naiwaras ti 5,000 a plaka ken RFID stickers dagiti motorcycle owners ditoy rehion, partikular dagiti nagrehistro idi 2018 bayat a sumaruno dagiti nagrehistro idi 2016, 2017 ken 2019.