-- ADVERTISEMENT --

BAGUIO CITY – Natiliw ti maysa a lalaki iti buy-bust operation sadiay Purok 1, Outlook Drive, Baguio City idi kanikadua.

Nabigbig daytoy a ni Arison Balao-as Acob, 30-anyos, naasawaan, laborer, tubo ti Lagayan, Abra, residente ti San Vicente, Baguio City ken nakailista kas maysa a High Value Individual.

Nakumpiskar kenkuana ti tallo a pakete ti maatap a shabu nga agdagsen ti 1.5 grams.

Iti agdama, sumangsangon ni Acob iti kaso a panaglabsing iti RA 9165 wenno ti Comprehensive Dangerous Drugs Act of 2002.