-- ADVERTISEMENT --

BAGUIO CITY – Dakkel a gatad ti naikkat ti pulisya ken PDEA iti suplay ti iligal a droga nga agtataud ditoy rehion Cordillera.

Iti interview ti Bombo Radyo Baguio, impannakkel ni PDEA-Cordillera regional director Gil Castro a mapattapatta a 50% iti suplay ti marijuana plants a naimula kadagiti kabambantayan ti nadadael dagitoy.

Sigun kenkuana, bunga daytoy ti pammilinda iti dadaulo ti pulisya iti rehion iti panagsang-at dagiti operatiba kadagiti kabambantayan tapnu biruken ken dadaelen dagiti marijuana plants kadagiti plantation sites.

Nupay kasta, inaklonna a gapu iti panakadadael dagiti adu a suplay ti marijuana plants ket dakkel ti posibilidad a naaddaanen ti indoor cultivation wenno urban gardening ti marijuana.

(ni PDEA-Cordillera regional director Gil Castro)

Kinunana a napaneknekan iti operasyonda sadiay Atok, Benguet a nakatiliwan ti maysa a mannalon a dagiti marijuana plants ket mailalaok kadagiti maimulmula a nateng ken maigaggagara ti panagmula ti marijuana.

-- ADVERTISEMENT --

Innayonna a napaneknekan met iti dua nga operasyon ditoy Baguio City nga addan ti indoor cultivation ti marijuana ken addan dagiti gangannaet a mangsubsubok iti indoor cultivation gapu iti kaadda dagiti gumatgatang iti nasao nga iligal a mula.