-- ADVERTISEMENT --

BAGUIO CITY – Maisayangkat ti makalawas nga antigen self-test program kadagiti innem a health districts ditoy siudad ti Baguio, partikular iti Atab, Loakan, Irisan, Asin, City Camp ken Pacdal.

Mangrugi ita nga aldaw, Enero 24.

Maipalagip a naisayangkat ti pilot simulation ti antigen self-test iti tallo a health districts ti siudad idi napalabas nga Enero 12-14.

Mabalin a gumatang iti complete self-test dagiti interesado nga indibidual iti gatad a P280 kadagiti nasao a barangay halls.

Maisayangkat met ti panag-self-test kadagiti health centers kabayatan ti office hours, no sadino, adda ti maibangon a booths para kadagitoy.

-- ADVERTISEMENT --

Mabalin a maiyawid ti kit para iti self-testing wenno saan ket ma-swab ti indibidual iti testing booth kadagiti health districts.

Maisumitir ti nalpas a test iti processing center iti uneg ti dua nga oras, nasken nga addaan ti umno a label ken container.

Maawat ti resulta babaen iti text message wenno print out results.

Responsibilidad dagiti city health personnel ti umno a bio-waste disposal dagiti naaramaten a self-test kits.