BAGUIO CITY – Nailukaten ti maikatlo a a ruta ti 24/7 free ride para kadagiti amin a health care workers iti rehion Cordillera.

Nangrugi iti alas dos iti malem ita nga aldaw, April 30 ti biahe ti Shilan Line Route.

-- Advertisement --

Mangrugi ti biahe sadiay Pines City Doctors Hospital ken sakupen ti ruta ti Pines City Doctors Hospital – La Trinidad Road – Baguio Provincial National Road – Benguet Provincial Capitol – Shilan – Tublay DepEd District Office – Shilan – Benguet Provincial Capitol – Baguio Provincial National Road – La Trinidad Road – Pines City Doctors Hospital.

Maikalkalikagum laeng ti panangipakita dagiti health workers iti ID dagitoy iti driver ti lugan para iti panakabigbig dagitoy.

Maipalagip a malaksid iti Shilan Line Route ket nailukat metten ti 24/7 free ride para kadagiti healthworkers iti ruta ti Irisan Route ken Central Business District wenno CBD Route manipud iti 11 nga inisyal a puntirya a ruta.