BAGUIO CITY – Nailista ti Kalinga ti maikadua a kaso daytoy ti B.1.351 wenno South African variant ti COVID-19.

Maibasar daytoy iti report a naawat ti Kalinga Provincial Health Office manipud iti Regional Epidemiological Surveillance Unit.

-- Advertisement --

Ti nasao a baro a kaso ket 28-anyos a babai manipud Kapanikian, Pinukpuk Junction, Pinukpuk, Kalinga.

Nailanad iti report a nakolektar ti specimen ti nasao a babai idi June 28.

Dagos met a nangipatungpal ti Kalinga Provincial Health Office iti inisyal nga assessment iti kondisyon ti nasao a pasyente tapno maaramid ti umno nga addang ti contract tracing.

Maipasidong met iti quarantine wenno isolation dagiti nabigbig a close contact ti nasao a pasyente.

Iti agdama, nakailista ti Kalinga iti 21 a kaso ti B.1.1.7 wenno UK variant ken dua a B.1.351 wenno South African variant ti COVID-19.