BAGUIO CITY – Naangay ti online a kick off program itay agsapa ti maika-34 a Cordillera Month nga addaan tema a “Working Together Towards Cordillera Autonomy Through Green Recovery”.

Tampok iti panakarambak ti Cordillera Month 2021 ti kampanya para iti panakaragpat ti otonomiya ti Cordillera.

-- Advertisement --

Agserbi a host committee ti Watershed and Environment Management Committee ti Cordillera Regional Development Council.

Makidkiddaw met ti panagkaykaysa ti amin nga stakeholders iti entero a Cordillera tapnu sumardengen ti panagwaras ti agdama a pandemya gapu iti COVID-19 ken matulongan ti panagrekober ti rehion babaen kadagiti environmentally-sustainable development strategies and approaches.

Manamnama a babaen iti daytoy ket maragpat ti kangrunaan a puntirya a regional autonomy babaen kadagiti teknolohiya ken aramid nga environmentally-friendly kas iti panagaramat ti renewable energy, organic agriculture, responsable a panagminas ken panakasalwad dagiti watersheds ken natural resources.

Karaman kadagiti kangrunaan nga aktibidad kabayatan ti Cordillera Month 2021 ti webinar iti nagduduma a teknolohiya kas iti ornamental bamboos, vertical gardening and aquaponics, Cordillera Weavers Summit ken rocknetting; selebrasyon ti Cordillera Day ken kapihan iti 2020 State of the Region Address and Sectoral Reports.