-- ADVERTISEMENT --
photo | Baguio City PIO

BAGUIO CITY – Agtultuloy ti contact tracing kadagiti nakapulapol ti kaso ti Delta variant ditoy siudad ti Baguio.

Kinuna met ni Mayor Magalong a namnamaen ti siudad ti panagngato iti kaso ti COVVID-19 ita a lawas kasaruno ti panakaduktal ti kaso ti Delta variant iti siudad.

Makita met iti ladawan wenno link diagram ti nagbalin nga interaction ti kaunaan a kaso ti Delta variant ti siudad kadagiti 142 nga indibidual a maibilang a close contacts daytoy kas maibasar iti Link Analysis.

Ti Link Analysis ti maysa kadagiti analytical tools nga ar-aramaten ti Lead Contact Tracing Team ti siudad.

Makita kadagiti aktibidad ti nasao a pasyente ken kadagiti close contacts daytoy ti panaggarawda saan laeng nga iti uneg ti siudad ngem uray pay kadagiti kaaruba a munisipyo iti Benguet.

-- ADVERTISEMENT --

Sigun kenni Karen Lonogan manipud iti Regional Epidemiology Surveillance Unit, naipaiman ti impormasyon kadagiti maseknan a lokal a gobyerno para iti panangisayangkatda iti kaskenan a control measures.

Gapu iti daytoy, maminsan manen a maiyap-apela ti panagaramar ti double face masks, panagtungpal iti physical distancing, hand hygiene, panagliklik iti natatao a lugar, confined spaces ken close contact conversation malaksid pay iti kaadda ti proper ventilation, panagpabakuna kontra iti COVID-19, kanayon a panagridam ken panagkararag.