-- ADVERTISEMENT --

BAGUIO CITY – Bassit laengen dagiti kaso ti panagtakaw a mailislista iti siudad ti Baguio.

Sigun kenni PLt.Col Judy Jasmin Palicos, dadaulo ti City Community Affairs Development Unit ti Baguio City Police Office (BCPO), daytoy ket no idilig ti datusda idi napalpalabas a panawen.

Kinunana a nasursurwanen dagiti tattao ita ken ammodan dagiti nasken nga aramidenda tapnu maliklikan ti panakabiktima dagitoy iti panagtakaw.

Dinakamatna nga agtultuloy met ti panangited dagiti pulis iti advisories wenno balakad kadagiti umili nangruna ita a panagtutudo, partikular ti panagridam kontra kadagiti agtatakaw.

Innayon pay ni Lt.Col. Palicos nga agiwarwaras dagiti pulis iti hotline numbers dagiti istasyon ti pulisya iti siudad isut gapuna a nalaka metten ti panag-contact kadagitoy dagiti umili ken ti panagresponde dagiti pulis iti aniaman nga insidente.

-- ADVERTISEMENT --