-- ADVERTISEMENT --

BAGUIO CITY–Immado ti bilang ti kaso ti panagkagat ti aso ditoy siudad ti Baguio idi napalabas a tawen 2020 no idilig idi 2019.

Sigun kenni City Health Services Office-Epidemiology Surveillance Unit Head Dr. Donnabel Tubera Panes, nakailistada iti nasurok 3,500 a kaso ti dog bites idi napalabas a tawen.

Kinunana a nangatngato daytoy iti 36% no idilig iti 2,700 a kaso ti dog bites a nailista ti siudad idi 2019.

Maibasar iti rekord, nailista ti kangatuan a bilang sadiay Brgy. Irisan a dumanon iti 401, sarunoen ti Lucban District a 354, Pinsao District a 321, Atab District a 300 ken Asin District a 268.

Patien ni Dra. Panes nga epekto daytoy ti pandemya gaputa nalimitaran ti panagruar dagiti indibidual iti pagtaengan ken ado nga oras ti inpaayda kadagiti taraken dagitoy.

-- ADVERTISEMENT --
City Health Services Office-Epidemiology Surveillance Unit Head Dr. Donnabel Tubera Panes

Kabayatanna, inlawlawag ni City Veterinary and Agriculture Office Head Dra. Brigit Piok kaaduan a pakailislistaan ti dog bites ket manipud iti uneg ti pagtaengan ken saan laeng a kadagiti walang nga aso.

City Veterinary and Agriculture Office Head Dra. Brigit Piok