-- ADVERTISEMENT --

BAGUIO CITY – Patien ti mayor ti Baguio a dumanonen iti 100 ti kaso ti Delta variant ti COVID-19 ditoy siudad manipud pay idi napalabas a bulan ti Hulyo.

Sigun kenni Mayor Benjamin Magalong, posible metlaeng nga addan ti community transmission ti Delta variant ditoy siudad.

Naamuan a dumanon iti 142 ti close contact ti kaunaan a kaso ti Delta variant ditoy siudad ken simmaruno a nailista ti uppat pay a baro a kaso ti Delta variant.

Gapu iti daytoy, kinunana a manamnama a kadagiti sumarsaruno a lawas ket agbalinen a kadawyan a kaso ti COVID-19 iti siudad ti Delta variant.

Dinakamatna pay a gapu iti panakailista ti kanayonan a kaso ti Delta variant iti isudad ket dakkel a karit para kadagiti contact tracers ti mangbigbig kadagiti nakapulapol dagitoy.

-- ADVERTISEMENT --

Kagiddan iti daytoy, pinagyamananna dagiti pulis, bombero ken dagiti BPOs a nagboluntaryo para iti contact tracing.