-- ADVERTISEMENT --

BAGUIO CITY – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a karpentero a natilliw iti buy-bust operation nga insayangkat dagiti otoridad sadiay Outlook Drive, Baguio City idi kalman.

Nabigbig daytoy a ni Leonides Sandoval Briones alyas Leo, 40-anyos, baro ken residente ti Cabinet Hill, Baguio City.

Nakumpiskar kenkuana ti dua a pakete ti maatap a shabu nga agdagsen ti mapattapatta a dua a gramos ken ti inaramatna a cellphone iti transaksionda iti operatiba bayat a narekober iti ikotna ti naaramat a buy-bust money.