BAGUIO CITY Tuttutukan ita ti Animal Bite Treatment Center ti City Health Services Office (CHSO) ti Baguio City ti kampanya kontra iti animal bites wenno panagkagat ti animal ditoy lokalidad.

Sigun kenni Agnes Johanna Abad, dadaulo ti Animal Bite Treatment Center ti CHSO, puntiryada a makailista iti zero case ti animal bite ditoy siudad ita a tawen.

-- Advertisement --

Nupay kasta, iti datus ti CHSO ket naobserbaran a ngimmato iti 36% ti datus iti panagkagat ti aso idi napalabas a tawen, 2020 kalpasan a dimmanon ti insidente ti dog bites iti nasurok 3,500 bayat nga idi 2019 ket dimmanon laeng ti insidente ti dog bites iti nasurok 2,700.

Dinakamatna a kaaduan a nakailistaan ti panagkagat ti aso kety iti Barangay Irisan a maysa ita a bambantayan dagitoy.

Malaksid iti daytoy, dinakamat pay ni Nurse Abad nga adda pay ti uppat nga insidente ti panagkagat ti tsonggo a nailista ditoy siudad.