BAGUIO CITY – Nailista ti kababaan a temperatura iti siudad ti Baguio ita a tawen kalpasan a dimmanon iti 9.6 degrees celsius ti temperatura ita nga agsapa.

-- Advertisement --

Mas nababbaba daytoy no idilig iti 10.4 degrees celsius a nailista iti City of Pines idi kalman.

Sigun iti Pagasa, adda ti posibilidad a kumaro pay a bumaba ti temperatura ditoy siudad kadagiti masungad nga al-aldaw.

Kabayatanna, manamnama met a mas nababbaba ti temperatura ti mapaspasaran ita kadagiti nangangato a paset iti probinsia ti Benguet, nangruna iti Mt. Pulag sadiay munisipyo ti Kabayan ken iti munisipyo ti Atok.

Maipalagip a ti nailista a kababaan a temperatura iti pakasaritaan ti Summer Capital of the Phillippines ket dimmanon iti 6.3 degrees celcius idi January 19, 1961.