-- ADVERTISEMENT --

BAGUIO CITY – Agbalbalin nga inspirasyon ita a paskua nangruna kadagiti taga-Madaymen, Kibungan, Benguet ti senior citizen a Death Aid Collector dagitoy.

Itay nabiit ket nag-viral iti social media ti pakasaritaan ni Candido Baniaga, maysa a Death Aid Collector ti nasao a barangay gapu iti napukawna a P14,000 a koleksiona ken ti sumagmamano a pidaso ti dolyar.

Nagturong daytoy iti simbaan para iti namnama a mabiruken wenno maisubli kenkuana ti kwarta a para koma iti pamilya nga agkasapulan iti nasao a gatad.

Immawat iti nagduduma a reaksion ti pakasaritaan ti nasao a lolo ken ado dagiti nangiyebkas a tumulong kenkuana tapno laeng masuposupan ti gatad a rumbeng nga isubmitir daytoy.

Nupay kasta, iti panakiyuman ti Bombo Radyo kenkuana, pinilina a saan nga awaten ti dagiti pinansial a tulong a maipaay koma kenkuana.

-- ADVERTISEMENT --

Kinunana nga umdasen a napaneknekanna nga ado paylaeng dagiti naimbag ti panagpuspusona a naayat a tumulong iti kas kenkuana a senior citizen.

– timek ni Candido Baniaga, Senior Citizen a Death Aid Collector sadiay Kibungan, Benguet

Iti agdama ket nabang-aran ni Lolo Candido Baniaga gaputa nabirukanan ti gatad a kasapulana a naikabil iti bulsa ti jaket daytoy.