BAGUIO CITY – Agtaltalinaed a COVID-19-free ti island country a Samoa manipud nangrugi ti pandemya idi napalabas a tawen.

Impannakkel daytoy ni Bombo International Correspondent Ferdinand Andrada iti report-na iti Bombo Radyo Baguio.

-- Advertisement --

Sigun kenkuana, nasapa a nag-lockdown ti Samoa idi pay Marso ti napalabas a tawen isut gapuna a naliklikan ti panakaiserrek ti coronavirus sadiay.

Kinunana a maysa pay a rason iti nalaka a panakakontrol ti COVID-19 ti mabilbilang laeng a populasion dagitoy.

Maibasar iti rekord, dumanon laeng iti 150 dagiti Pilipino sadiay Samoa bayat a 250,000 dagiti nainsigudan nga umili sadiay.

– ni Bombo International Correspondent Ferdinand Andrada manipud Samoa

Sigun pay kenni Andrada, saanda nga agar-aramat ti face mask ken nawayada a rumuar manipud kadagiti pagtaenganda malaksid a nakalukat amin dagiti establishimiento sadiay.

Nupay kasta, nakarikep paylaeng ti border ti Samoa manipud kadagiti turista malaksid laeng kadagiti cargos a mangitultulod kadagiti essentials kas iti suplay ti taraon.

Manarimaan metten ti panakabakuna dagiti residente ti Samoa iti Astrazeneca vaccine nangruna kadagiti agbibiyahe.