-- ADVERTISEMENT --

BAGUIO CITY – Napaay ni Team Lakay fighter Lito ‘Thunder Kid’ Adiwang iti kampanyana kontra kenni Jarred ‘The Monkey God’ Brooks ti Estados Unidos iti labanda a nagserbi a main event ti ONE: NextGen III a naangay idi kalman sadiay Singapore.

Naabak ti Igorot MMA fighter babaen iti submission gapu iti triangle choke iti maikatlo a minutos ti second round ti labanda kenni Brooks.

Naobserbaran ti kina-agresibo ti Amerikano a grappler iti damo paylaeng ti laban dagitoy.

Pinanggep ni Adiwang a papigsaen ti depensana ngem napupok daytoy iti arm triangle a nangitunda iti panagleppas ti labanda.

Daytoy ti kaunaan a main event fight ni Adiwang iti ONE Championship.

-- ADVERTISEMENT --