-- ADVERTISEMENT --

BAGUIO CITY – Dumanonen iti 79.72% ti average hospital care utilization rate ti rehion Cordillera kas maibasar iti kaudian a report ti Department of Health – Cordillera.

Gapu iti daytoy, maibilang ti rehion iti high risk level iti hospital care utilization rate.

Nailista sadiay Apayao ti 100% a Mechanical Ventilator Utilization Rate.

Maibilang pay nga addan iti critical risk level ti bed occupancy rate ti Baguio City ken Benguet kalpasan a nakailista ti Baguio iti 94.31% a bed occupancy rate ken ti Benguet iti 86.55% a bed occupancy rate.

Maibilang met nga addan iti high risk level ti bed occupancy rate ti Ifugao, Kalinga ken Mountain Province bayat nga addan iti moderate risk level ti bed occupancy rate ti Abra.

-- ADVERTISEMENT --

Linawlawagan met ti DOH-Cordillera nga ipakpakita laeng ti hospital care utilization rate ti bilang dagiti available ken okupado a kwarto para laeng kadagiti pasyente ti COVID-19 ken saan a dagiti sibubukel a bed capacity dagiti ospital ken dadduma a pag-agasan.

Kabayatanna, dumanonen iti nasurok 3,900 ti aktibo a kaso ti COVID-19 iti Cordillera Region ken kaaduan kadagitoy ket nailista sadiay Apayao a dumanon ti nasurok 1,320 bayat a kaaduan kadagiti aktibo a kaso ti awanan ti sintomas.

Dumanon pay iti nasurok 46,500 nga umili ti Cordillera ti naimbagan manipud iti COVID-19 bayat a 926 dagiti pimmusay.