-- ADVERTISEMENT --

BAGUIO CITY – Nakemmeg maysa a high value individual (HVI) a drug personality ti Cordillera Region ken ti maysa a balasang iti nagsina a buy-bust operation nga insayangkat dagiti otoridad ditoy Baguio City idi kalman.

Nabigbig ti HVI a ni Vonne Vienner Hatuina Guerrero alyas Von, baro, laborer ken residente ti Roman Ayson Road, Campo Filipino, Baguio City.

Nakumpiskar kenkuana ti tallo a pakete ti maatap a shabu nga agdagsen ti 2.80 grams ken ti cellphone a naaramat iti transaksion bayat a narekober ti naaramat a buy-bust money.

Kabayatanna, nakemmeg met sadiay East Quirino Hill ni Alexandria Tubbosa Domingo alyas Sandra, 19-anyos, laborer ken residente ti Fairview, Baguio City.

Nakumpiskar kenkuana ti innem a pakete ti maatap a shabu nga agdagsen ti maysa a gramo.

-- ADVERTISEMENT --

Nakumpiskar metlaeng ti cellphone a naaramat iti transaksion ken narekober kenkuana ti naaramat a buy-bust money.

Iti agdama, agpada a sumangsangon dagiti dua iti kaso a panaglabsing iti RA 9165 wenno ti Comprehensive Dangerous Drugs Act of 2002. (report ni Bombo Razced Pagoli)