BAGUIO CITY – Posible a mapasaran ti epekto ti habagat wenno nepnep iti intero a rehiyon Cordillera agingga inton Sabado wenno iti weekends.

Iti interview ti Bombo Radyo Baguio kenni Louie Vergara, Weather Specialist ti PAGASA Baguio, imbinglayna nga pappapigsaen dagiti masarsaripatpatan nga low pressure area ken nakapoy nga bagyo ti mapaspasaran nga nepnep iti rehiyon ken iti pagilian.

-- Advertisement --

Sigun kenkuana, adda ita ti bagyo a bambantayanda a nasaripatpatan iti ruar ti Philippine Area of Responsibility ngem adayu a diretso a tumama daytoy iti pagilian.

Iti kaudian nga kaudian nga climate outlook ti ahensia, manamnama pay ti 9 aginnga 12 a tropical cyclone a sumrek iti pagilian agingga intun Enero 2022.

Kabayatanna, dumanon met iti 1040.1milimiters above normal ti kapigsa ti tudo a napasaran ti Baguio City kabayatan ti dua nga lawas nga nepnep nu sadinno naartapanna ti normal nga kinaadu ti tudo a maaw-awat wenno mapaspasaran ti siudad ken iti rehiyon Cordillera.

Nupay kasta, mannama met a mapasaran ti monsoon break wenno ti panagkapoy ti mapaspasaran a nepnep intun sumaruno nga lawas ken posiblen a makita ti panagsingising ti init.

ni Louie Vergara, Weather Specialist ti PAGASA Baguio