-- ADVERTISEMENT --
Photo credit to the owner

BAGUIO CITY – Possible a makaawat iti tulong pinansyal dagiti local government officials ken empleyado ti siyudad a nakaptan iti COVID-19.

Daytoy ket kalpsan a naaprobaran iti umuna a panagbasa ti naipasa nga ordinansa seknan iti panakaipaay iti cash assistance kadagiti local government officials ken empleyado ti siyudad a nakaptan iti COVID-19 kabayatan iti panagtrabaho wenno serbisyo dagitoy.

Nailanad iti nasao nga ordinansa a maipaayan iti tunggal empleyado wenno local government officials iti sag-P25,000.

Sigun iti lokal a konseho ti Baguio City, nasken a mangisagana ti City Health Services Office iti case study iti tunggal empleyado wenno local government officials a nagbalin nga pasyente iti nasao a sakit tapno daytoy ti agbalin a basaranda nu dagusda nga ipaay ti nasao nga ayuda.

Sigun pay iti city council, adu a frontliners ken empleyado iti gobierno ti naapektaran iti pandemya nga intunda iti COVID-19 kabayatan iti panagtrabaho dagitoy.

-- ADVERTISEMENT --

Iti agdama ket maur-uray paylaeng ti agbalin nga rekomendasyon ti City Council Committee on Ethics, Governmental Affairs and Personnel kalpasan a naipasa kadakuada ti nasao nga ordinansa.