BAGUIO CITY – Naka-blue alert dagiti amin a maseknan nga ahensia ditoy siudad ti Baguio kas panagsagana iti idadalapus ti Bagyo a Ramon.

Iti interbyu ti Bombo Radyo-Baguio ken ni Louie Glen Lardizabal, Local Disaster Risk Reduction and management Officer III ti siudad, kinunana a binilin ni Mayor Benjamin Magalong ti amin a departamento iti siudad nga agsagana iti nasao a bagyo.

Kinunana a naka-alerto ti emergency operation center ken tactical operation center ti siudad tapno mangakomodar kadagiti awag iti panawen ti emerhensia.

-- Advertisement --

Binalakadan ni Lardizabal dagiti umili nga agsanaga latta uray saan a direkta a dumalapus ditoy siudad ti Baguio ti Bagyo a Ramon tapno mailiklik iti peggad ti tunggal maysa.