BAGUIO CITY -Imbutaktak ni Baguio City Administrator Engr. Bonifacio Dela Pena nga agsagsagaba ita ti ekonomiya ti siudad gapu iti agdama a pandemya.

Sigun kenni Dela Pena, dakkel ti nagbalin nga epekto iti ekonomiya ti pannakaipatungpal ti naing-inget a pagalagadan kadagiti travellers a nangitunda iti panakakissay ti bilang dagiti turista a sumangsangbay ditoy siudad.

-- Advertisement --

Dinakamatna nga amin a negosyo ditoy siudad ket pappapigsaen dagiti turista a sumangsangbay kadagiti nagduduma a lugar ngem napawilanen dagitoy kalpasan iti panagraira ti COVID19 ditoy lokalidad.

Malaksid iti daytoy, kinuna a maysa pay a rason ket ti pannakakessay ti kapasidad ken oras ti operasyon kadagiti establishimento.

Impettengna a dagiti baro a pagalagadan ket dakkel a nakaapektar iti ekonomiya ti Baguio.

Nupay kasta, inyunay-unay ti opisyal nga ipangpangruna latta ti lokal a gobierno ti pakaseknan ti salun -at ti publiko tapno saan a naan-anay a bumagsak ti health system ti siudad. (with Bombo Janice Denis)