-- ADVERTISEMENT --

BAGUIO CITY – Sumangsangon iti kaso a panaglabsing iti RA 9165 weno Comprehensive Dangerous Drugs Act of 2002 ti dua a baro kalpasan a natiliwda iti buy-bust operation sadiay Upper Camdas, Baguio City idi kalman.

Nabigbig dagitoy a da Jonathan Claveria Dela Cruz, 23-anyos, tubo ti Asingan, Pangasinan ken ni Marc Dulagan Daplayan, 19-anyos, tubo ti Sagada, Mountain Province, ken agpada dagitoy a residente ti Middle Quirino Hill, Baguio City.

Maibilbilang dagiti dua nga street level individual iti listaan dagiti drug personalities.

Nakumpiskar kadagiti dua ti maysa a pakete a naglaon ti maatap a napagango a bulbulong ti marijuana.

Narekober metlaeng kadagitoy ti naaramat a but-bust money.

-- ADVERTISEMENT --