-- ADVERTISEMENT --

BAGUIO CITY – Natiliw ti maysa a drug pusher iti buy-bust operation nga insayangkat dagiti otoridad iti deppaar ti Cassamata Hill sadiay Bangued, Abra idi kalman.

Nabigbig daytoy a ni Arvie Bigornia, 28-anyos ken residente iti Angad, Bangued, Abra.

Nakumpiskar kenkuana ti tallo a pakete ti maatap a shabu nga agdagsen ti nasurok 1.5 grams.

Narekober pay kenkuana ti naaramat a buy-bust money.

Sigun kadagiti otoridad, naiyusuat ti operasyon kalpasan a na-monitor dagitoy ti agtultuloy a panagilako ni Bigornia iti iligal a droga.

-- ADVERTISEMENT --

Iti agdama, sumangsangon daytoy iti kaso a panaglabsing iti RA 9165 wenno iti Comprehensive Dangerous Drugs Act of 2002.