-- ADVERTISEMENT --

BAGUIO CITY – Natiliw ti maysa a high value target ti iligal a droga iti naisayangkat a buy-bust operation sadiay Balacbac, Santo Tomas, Baguio City.

Nabigbig daytoy a ni William Ibarra, 50-anyos, construction worker ken residente ti Middle Quezon Hill, Baguio City.

Nakumpiskar kenkuana ti uppat a pakete ti maatap a shabu nga agdagsen ti agarup nasurok siyam a gramos ken ti naaramat a buy-bust money.

Iti statement ti PDEA-Cordillera, ni Ibbara ket addaan ti atiddog a rekord iti kaso ti iligal a droga a naibasura ken nakapila iti nagduduma a korte.

Naamuan a nalatak pay ni Ibarra kas maysa nga street criminal ken “siga” iti drug turf dagitoy.

-- ADVERTISEMENT --

Nupay kasta, ni Ibarra ti maudi a personalidad iti grupo daytoy kalpasan ti kampanya ti PDEA-Cordillera kontra iti nasao a grupo.

Iti agdama, sumangsango ni Ibarra iti kaso a panaglabsing iti RA 9165 wenno ti Comprehensive Dangerous Drugs Act of 2002.