-- ADVERTISEMENT --
photo | BCPO Station 2

BAGUIO CITY – Natiliw ti maysa a drug personality iti buy-bust operation nga insayangkat dagiti otoridad iti deppaar ti Bokawkan Road, Baguio City idi rabii.

Nabigbig daytoy a ni Francis Dalimot Coderias, 22-anyos, awanan trabaho, tubo ti Alcala, Pangasinan ken residente ti Upper Pinget, Baguio City.

Nakalista metlang daytoy nga street level individual.

Nakumpiskar kenkuana ti 11 a pidaso ti sag-60ml a botelya a naglaon ti mapapati a marijuana oil nga addaan ti market value a P38,500.

Nakumpiskar metlaeng kenkuana ti naaramat a buy-bust money.

-- ADVERTISEMENT --

Sigun pay kadagiti otoridad, ni Coderias ket runner ti maysa a drug personality iti panagiwaras ti marijuana oil.

Agtataud ti suplay dagitoy sadiay Balbalan, Kalinga ken iwarwarasda kadagiti kliyenteda babaen iti panagsabatda iti sumagmamano a paset ti Bontoc, Mountain Province; Benguet ken Baguio City.

Sumangsango metten ni Coderias iti kaso a panaglabsing iti RA 9165 wenno ti Comprehensive Dangerous Drugs Act of 2002.