BAGUIO CITY – Iyap-apela manen ti grupo dagiti agpapa-abang iti bisikleta sadiay Burnham Park iti siudad ti Baguio a maipaayanda iti rental holiday wenno diskwento iti abang dagitoy.

Kasaruno daytoy ti saan a panangpabor ti lokal a konseho iti immuna nga apela dagitoy.

-- Advertisement --

Sigun kenni Analyn Oropesa, dadaulo dagiti bike concessionaires iti Burnham Park, patienda a saan a napatgan ti kiddaw da gapu iti panakairaman ti grupoda iti kapada nga apela dagiti agab-abang iti merkado publiko.

Gapu iti daytoy, kinunana a nangipilada manen iti sabali nga apela tapno maipaayanda iti uray 50% a diskwento iti abangda ita a panawen ti pandemya.

ni Analyn Oropesa, dadaulo dagiti bike concessionaires ti Burnham Park

Kinunana a nupay naipaayanda iti pawayway ken panakailaylayon iti panagbayadda iti renta ket mapatpatawanda met latta iti surcharge no maladawda nga agbayad.

Naammuan a dumanon iti P3,025 ti binulan nga abang ti tunggal bike concessionaire iti biking area sadiay Burnham Park.

ni Analyn Oropesa, dadaulo dagiti bike concessionaires ti Burnham Park