-- ADVERTISEMENT --

BAGUIO CITY – Natungpal ti dadaulo ti PDEA-Cordillera ti karina idi nagtugaw iti takem nga aramidenna ti amin a kabaelanna tapnu iti uneg ti innem a bulan ket dakkel ti maaramidanda iti kampanya kontra iti iligal a droga ditoy rehion.

Impannakkel daytoy ni Regional Director Gil Castro iti panakiyuman ti Bombo Radyo Baguio kagiddan ti panangkunana nga iti las-ud ti nasao a panawen ket dumanonen iti kagudua a bilyon a pisos a gatad ti iligal a droga ti nakumpiskarda ken dagiti pulis iti nagduduma nga operasyon.

ni PDEA-Cordillera Regional Director Gil Castro

Dinakamatna a pito iti tunggal sangapulo wenno kaaduan kadagiti 73 a dadakkel a drug personalities iti lokalidad ket natiliwen.

Innayonna nga iti impormasyon a naalada ket kaaduan kadagiti nabatbati a high value targets a drug personalities nga agsupsuplay iti iligal a droga ket agpaplanon nga umakar iti dadduma a lugar gapu iti nairtengan a kampanya ditoy rehion kontra iti iligal a droga.

Dinayawna pay ti napintas a koordinasyon ti PDEA, PNP ken dagiti barangay iti rehion iti kampanya kontra iti iligal a droga.

-- ADVERTISEMENT --