-- ADVERTISEMENT --

BAGUIO CITY – Ipampannakkel ti Baguio City Police Office (BCPO) ti panagbaba ti bilang dagiti krimen a nailistada ita a tawen no idilig idi napalabas a tawen.

Sigun kenni PCol. Allen Rae Co, dadaulo ti BCPO, gapu daytoy kadagiti maipatpatungpal ita a naingetan a pagaladan gapu iti COVID-19 pandemic.

Maibasar iti datus ti BCPO, dumanon iti nasurok 600 a krimen ti nailistada iti bulan ti Enero agingga Marso idi napalabas a tawen bayat a nakailistada laeng iti nasurok iti 250 ita a tawen kadagiti kapada a bulan.

Dinakamatna a kaipapanan daytoy a naksayan dagiti kaso ti pisikal a panagdangran, panagrames, pammapatay ken panag-karnap.

Impanamnama pay ni Co nga ituloy latta ti pulisya dagiti programa ken proyektoda tapnu naan-anay a makatulongda iti panagdur-as ken panagtalinaed ti linak ken kappia ditoy siudad ti Baguio.

-- ADVERTISEMENT --