-- ADVERTISEMENT --
photo | PNP

BAGUIO CITY -Pinadayawan ni PNP chief Gen. Dionardo Carlos ti dua a pulis a pimmusay iti napasamak nga engkwentro sadiay Brgy. Lonoy, Gamay, Northern Samar itay kanikadua

Immunan a nabigbig dagiti Special Action Force (SAF) Trainees a da Patrolman Franklin Marquez manipud Tadian, Mountain Province kenni Patrolman Jimmy Caraggayan manipud Tuguegarao City, Cagayan.

Maipalagip a pimmusay dagitoy kalpasan a nangipabettak iti improvised explosive devices (EID) dagiti miembro ti New People’s Army kabayatan ti rinnupak a nakadangran pay ti uppat a pulis.

Immunan nga impadanonna ti pannakiladingitna kadagiti pimmusay a tropa ti gobierno ken binigbigna ti kinatured ken kinabanuar nga impakita dagitoy.

Impanamnama ti tulong a maidanon iti pamilya a napanawan dagiti nasao a pulis.

-- ADVERTISEMENT --

Kabayatana, naawaat dagiti uppat a nadangran a pulis ti “Medalya ng Sugatang Magiting” ken sag-P50,000 nga extended financial assistance manipud iti gobierno.

Dagitoy da Lieutenant Jay-ar Rimorin, Lieutenant Jayson Banganan, Patrolman Ruben Ringor Jr, kenni Staff Sergeant Cristobal Hen-Achan.

Immunan nga impeksa ni Gen. Carlos ti panangkondenarna iti bayolente nga aktibidad dagiti kameng ti NPA.

Gapu iti daytoy, impasiguradona ti nainget ken agtultuloy nga hot pursuit operations ken air-ground operations tu pulisya ken militar tapno makemmeg dagiti responsable iti nasao nga engkwentro.

Naamoan a dagiti dua a pimmusay ken uppat a nadangran a police personnel ket manarimaan nga agsansanay iti sidong ti Special Action Force Commando Course (SAFCC) tapnu agbalin a naan-anay nga kameng ti PNP-SAF.