-- ADVERTISEMENT --

BAGUIO CITY – Sumangsango iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a construction worker kalpasan a nakemmeg iti buy-bust operation sadiay Bangued, Abra itay kanikadua.

Nabigbig daytoy a ni Julie Bert Sequerra Bersalona, 48-anyos ken residente iti Palao, Bangued, Abra.

Maibasar iti report, inlako ni Bersalona ti dua a pakete ti mapapati a shabu iti nakatransaksion daytoy nga operatiba.

Nakumpiskar pay manipod iti ikotna ti pito a pakete ti mapapati a shabu a naikabil wenno nailemmeng iti facemask.

Narekober metlaeng kenkuana ti naaramat a buy-bust money.

-- ADVERTISEMENT --

Maibasar iti rekord ti pulisya, karaman ni Bersalona kadagiti mabambantayan a drug personalities gapu iti iligal a droga.