BAGUIO CITY- Nainget a bambantayan dagiti opisyales ti Baranggay Lower Rock Quarry ti City Camp Lagoon kagiddan ti mapaspasaran a panagtudo gapu iti bagyo a Kiko ken ti Southwest Monsoon.


Sigun kenni Lower Rock Quarry Punong Barangay Benny Marzan, 24/7 a nakastandby dagitoy tapno mawanawanan ti panagngato ti lebel ti danom sadiay.

-- Advertisement --


Kinunana a babaen iti daytoy ket dagos a madalusan dagiti basura a maipullat iti wanga-wangan ti nasao a lagoon.

Dinakamatna met nga adda ti naimuntar nga early flag warning device iti nasao a lagoon tapno dagus a maalerto dagitoy no nangaton ti lebel ti danum sadiay.


Kinunana a nainget metlaeng ti koordinasyonda iti City Engineering Office, Barangay DRRM Council ken iti City DRRM Office no kasapulan ti panagdalus iti nasao a lagoon.

Kagiddan iti daytoy, ipalpalagip manen ni Marzan ti umno a panangibelleng dagiti umili sadiay kadagiti basurada tapno saan a maiyanod iti lagoon a mangitunda iti panakapullat ti wangawangan daytoy.