BAGUIO CITY – In-inot a ngumatngato ti porsiento dagiti umili iti siudad ti Baguio a mangkayat nga agpabakuna kontra iti COVID-19.

Sigun kenni Mayor Benjamin Magalong, epekto daytoy iti agtultuloy ken nasustinir a panangikampanya ti lokal a gobyerno iti kinapateg ti panagpabakuna kontra iti COVID-19.

Dinakamatna a maisaysayangkat ti panagisuro iti kinapateg ti COVID-19 vaccines babaen iti social media, webinars ken aktibidad kadagiti ospital ken kadagiti babbarangay.

-- Advertisement --
– ni Baguio City Mayor Benjamin Magalong

Nupay adda dagiti health workers kadagiti ospital iti siudad nga immunan a nagkedked nga agpabakuna, impannakkel ti mayor nga adda dagiti nagbaliw ti panunotda ken nagdesisyon a maipasidong iti panagbakuna kontra iti COVID-19.

Kabayatanna, imbinglay ni Mayor Magalong a puntiryada ti nasurok 30 a vaccination centers ditoy Baguio para iti naparpartak a panakaisayangkat ti panagbakuna kontra iti COVID-19.

– ni Baguio City Mayor Benjamin Magalong

Dinakamatna a manarimaan ti koordinasyonda iti DepEd para iti panaka-aramat dagiti pagadalan kas vaccination centers bayat a kitkitaenda dagiti covered courts kadagiti babbarangay ken ti maysa a drug store iti lokalidad malaksid laeng iti nabigbigen nga unibersidad ditoy siudad.

Impannakkelna pay a manaynayonan ti vaccination teams ti siudad gaputa iti agdama ket dumanonen daytoy iti 70, pakairamanan dagiti volunteers manipud iti pribado a sektor nupay puntiryada ti 85 a vaccination teams para iti siudad.