BAGUIO CITY – Inaklon ti Baguio City Health Services Office (CHSO) a saan nga umdas ti personnel dagitoy a mang-akomodar iti ngumatngato a kaso ti siucide iti siudad ti Baguio.

Sigun kenni Ricky Ducas, mental health officer ti CHSO, manarimaan ti koordinasyonda kadagiti babbaranggay ken dagiti pribado nga ahensya tapno ag-organisa dagitoy iti grupo para iti psycho-education.

-- Advertisement --

Kinunana a maymaysa laeng ti health line ditoy siudad isut gapuna a marigatan dagitoy.

Namnamaenna met a ma-institutionalize ti health line ti Baguio tapno manayonan dagitoy a mabalin nga aramatenda tapno ma-akomodar dagiti suicide cases.

Innayonna a nakalukat ti CHSO para kadagiti tarigagayda nga agvolunteer ngem nasken nga obserbaranda no kasano nga ipatungpal dagitoy ti psycho-education ken maipasidongda iti panagsanay.

Isingsingasing metlaeng ni Ducas ti panakaipasidong dagiti baranggay health workers iti panagsanay seknan iti panangipatungpal ti psycological first aid tapno dagitoy a mismo ti mangakomodar kadagiti indibidual nga adda iti lugarda a makapaspasar iti depresyon sakbay a maiyuman kadagiti otoridad.

Maibasar iti datos, nakailista ti siudad iti sangapulo ket siyam a kaso ti panagkettel ti bukod a biag manipud Enero agingga Mayo ti agdama a tawen ken kaaduan kadagitoy ket lallaki ken kadagiti agtutubo a 15-anyos agingga 24-anyos bayat a nasurok 70-anyos ti kataengan.

ni Ricky Ducas, mental health officer ti Baguio City Health Services Office