-- ADVERTISEMENT --

BAGUIO CITY – Dumanonen iti duwapulo ket innem a colorum a lugan ti natiliw ti Baguio City Police Office iti uneg ti dua a bulan kagiddan ti implementasiopn ti travel protocols kadagiti border checkpoints ditoy lokalidad.

Sigun kenni P/Lt. Col. Domingo M. Gambican, dadaulo iti BCPO Operations Management Unit, duapulo ket innem ti nailistada a natiliw iti insayangkatda nga anti-colorum operations manipod October 1 agingga December 2 iti agdama a tawen.

Uppat ti natiliw dagiti otoridad idi Oktubre bayat a 19 idi Nobiembre ken tallo iti bulan ti Disiembre.

Sigun kenkuana, awana dagiti drivers iti kaskenan a tavel documents ken saan a nakarehistro iti hdf.baguio.gov.ph ken visita.baguio.gov.ph.

naduktalan pay nga awan ti maiparang dagitoy a certificate to operate as public convenience (CPC) kasta met iti special permit to operate kas public utility vehicle manipod iti Land Transportation Franchising Regulatory Board.

-- ADVERTISEMENT --

Iti agdama ket na-impound dagiti nadakamat a lugan sadiay Land Transportation Office.

Naipaayan iti citation tickets dagiti drivers a napaay a mangiparang iti “proof to transport passengers” bayat a nakemmeg dagiti mangipatpataray iti kolorum a lugan gapu iti pananglabsingda iti City Ordinance No.55 s.2012 wenno ti Anti-Colorum Ordinance of the City of Baguio.

Manamnama pai a manayunan ti bilang ti matiliw a colurom a lugan kaggidan iti panagado ti turista nga agturturong iti siudad.//RMBLS