-- ADVERTISEMENT --
photo | Cordillera PNP

BAGUIO CITY – Naipatungpal ti turn-over of command iti baro a mangidaulo iti Baguio City Police Office (BCPO) idi kalman.

Nadutukan ni PCol. Glen Lonogan kas baro a mangidaulo iti BCPO ken sinukatanna ni PCol. Allen Rae Co.

Ni PCol. Glen Lonogan ket tubo ti Mountain Province ken miembro ti PNPA Class of 1998.

Sakbay ti agdama a posisyonna ket nagserbi daytoy iti nagduduma nga yunit ti PNP ken opisina ditoy rehiyon kas iti Regional Anti-Illegal Drugs Special Task Force Group, Criminal Investigation and Detection Group-Central and North Luzon, Regional Operations and Plans Division ken Regional Learning Doctrine Division.

Indauloan met ni Police Regional Office Cordillera Regional Director PBGen. Ronald Oliver Lee ti panagsarabo ken panakaipama kenni PCol. Lonogan kadagiti nagduduma nga akem ken responsibilad daytoy kas baru nga dadaulo ti BCPO nga addaan ti sangapulo nga istasyon.

-- ADVERTISEMENT --