BAGUIO CITY – Naiyawiden ti bangkay ti maysa a lalaki nga immunan a naipadamag a pimmusay kalpasan a natnag iti maysa nga hotel ditoy Baguio City idi Hulyo 30 ti agdama a tawen.

Immunan a nabigbig daytoy a ni Marvin Rivera Dacanay, 26-anyos, baro ken residente ti Aringay, La Union.

Iti report ti pulisya, nagtakaw ti nasao a lalaki iti nasao a hotel sakbay a napasamak ti insidente.

Narekober iti crime scene ti 11 a nagduduma nga android phone, maysa nga i-pod, maysa a singapore dollar, car key, ken P1,510 a cash no sadinno naisubli metten dagitoy kadagiti kliyente ti hotel nga agtagikua.

Sigun pay kadagiti pulis, maatap a nagtakaw ti nasao a lalaki iti maysa a pay hotel ditoy siudad ken iti pagtagilakuan nga asideg iti nakapasamakan ti insidente.

-- Advertisement --

Iti panakiuman ti Bombo Radyo Baguio, kinuna ni PCapt. Bob Stephen Pagarigan manipod iti BCPO-Station 5 a nagturong ti ina ti suspek iti opisinada ken sadiay a binigbigna nga anakna ti nasao a bangkay.

PCapt. Bob Stephen Pagarigan manipod iti BCPO-Station 5

Iti salaysay ti ina ni Dacanay, adda ti lugan ti anakna ngem saanda nga amo ti lokasyon daytoy rason a nagrikurida ti BCPO Station 5 ken nasarakanda ti kotse ni Marvin sadiay P.Burgos, Magsaysay, Baguio City.

ni PCapt. Bob Stephen Pagarigan manipod iti BCPO-Station 5

Dinakamatna a narekober iti kotse ti maysa a cellphone, driver license, P500 cash ken dolyares a maatap a kukua ti suspek no sadinno naipama metten iti ina daytoy.

Impettengna nga idi 2016 ket adda ti kasona a panaglabsing iti RA 1965 wenno ti Comprehensive Dangerous Drugs Act of 2002 ngem naipasidong laeng daytoy iti home rehabilitation gaputa menor de edad paylaeng iti daydi a tawen.