-- ADVERTISEMENT --

BAGUIO CITY – Umdas ti bed capacity para kadagiti COVID-19 positive ditoy siudad sigun iti Baguio-City Health Services Office (CHSO).

Sigun kenni CSHO Officer Dr. Rowena Galpo, dumanonen iti 318 ti bed capacity a masarakan kadagiti tallo nga Isolation Facility ditoy siudad.

Manipud iti nasao a pakabuklan a bilang, masarakan ti 90 bed capacity sadiay Sto. NiƱo Critical Care Center Hospital ; 116 sadiay Teachers Camp ken ti DepEd Supt. Hernandez Hall nga adaan iti 112 bed Capacity.

Kinuna ni Galpo a 78.3% ti occupancy rate kadagti isolation facilities ditoy siudad nu sadinno sobra daytoy a bed capacity nu idilig iti 1/2000 a bed occupancy rate ti national a gobierno.

Dinakamatna a napinpintas laengen nga aglaplapusana ti bed capacity ti siudad imbes nga agkurkurang gapu iti agtultuloy a panagrekober dagiti pasiente.

-- ADVERTISEMENT --

Gapu iti daytoy, patien ni Galpo nga agtaltalinaed a nakasagana ti siudad iti siudad a mangresponde ti COVID-19.