BAGUIO CITY – Sumangsango iti kaso a panaglabsing iti RA 9165 wenno iti Comprehensive Dangerous Drug Act of 2002 ti maysa a babai a maysa kadagiti regional top drug personalities iti Cordillera Region kalpasan a nakumpiskaran ti marijuana nga aggatad ti P240-K sadiay Kalinga itay laeng nabiit.

Immuna iti daytoy, inserbi dagiti otoridad ti Search Warrant iti pagtaengan ti nasao nga indibidual sadiay lleb, Nambaran, Tabuk City, Kalinga.

-- Advertisement --

Nagpositibo ti implementasyon ti warrant a nagresulta iti panangtiliw dagiti otoridad kenni Anita Paclay Sabawil alyas Ammanay, 47-anyos, tubo ti Tinglayan, Kalinga.

Nadiskobre ken nakumpiskar manipud iti pagtaengan ni Ammanay ti dua a marijuana bricks nga agdagsen ti 2,000 a gramo ken aggatad ti mapattapatta a P240,000.