-- ADVERTISEMENT --
photo | PDEA-Cordillera

BAGUIO CITY – Ad-adda nga inirtengan ti Philippine Drug Enforcement Agency (PDEA) – Cordillera ken ti Police Regional Office Cordillera (PROCOR) ti relasyon dagitoy, partikular iti operational ken tactical support iti tunggal maysa.

Kasaruno daytoy ti maatap a ‘misencounter’ iti nagbaetan dagiti operatiba ti PDEA ken PNP sadiay Quezon City a nakatayan ti tallo nga operatiba ken maysa a sibilyan.

Iti interview ti Bombo Radyo Baguio, kinuna ni PDEA-Cordillera regional director Gil Castro a napintas latta ti koordinasyonda iti PROCOR gaputa adda ti komunikasyon iti nagbaetanda ken panagkaykaysa iti kampanya kontra iti iligal a droga.

(ni PDEA-Cordillera regional director Gil Castro)

Impasiguradona a gapu kadagitoy ket awan ti posibilidad nga adda ti mapasamak a misencounter iti nagbaetan dagiti operatiba ti PDEA-Cordillera ken ti PROCOR.

Inyunay-unayna a ti iligal a droga ti maymaysa a kalaban ti PDEA, PROCOR ken dagiti umili ken nasken a saan a maipalubos a ti pagayatan dagiti sindikato ti iligal a droga ti masurot wenno agturay.

-- ADVERTISEMENT --
(ni PDEA-Cordillera regional director Gil Castro)

Innayon pay ni Castro a tunggal mangisayangkat ti PDEA-Cordillera iti operasyon kontra iti iligal a droga ket maikoordinar dagitoy kadagiti maseknan a police stations nangruna ta kasapulanda ti tactical force ti pulisya gapu iti kinakurang ti manpower dagitoy.