BAGUIO CITY – Adu paylaeng dagiti agkaiwara nga aso kadagiti kalkalsada iti siudad ti Baguio isut gapuna nga adu met nga aso ti tiltiliwen dagiti impounding teams ti City Veterinary and Agriculture Office.

Iti interview ti Bombo Radyo Baguio kenni City Veterinarian Dr. Brigit Piok, imbinglayna nga adda dagiti masaka kadagiti matiltiliwda nga aso bayat a 20 percent kadagitoy ti maipapa-adaptar.

Gapu iti daytoy, inyunay-unayna a nasken a mataripato dagiti taraken nga aso a kas miembro ti pamilya ken saan nga itulok nga agwalang-walang dagitoy iti ruar ti pagtaengan.

-- Advertisement --

Innayonna a nasken a mairehistro dagiti aso iti barangay tapnu ammo ti lokal a gobyerno ti barangay ti aktuwal a bilang dagiti aso iti masakupanda.

Inlawlawagna pay a babaen iti daytoy ket makabukel ti barangay iti umno a programa seknan iti panagtaripato kadagiti taraken nga asol.