-- ADVERTISEMENT --

BAGUIO CITY- Dumanon iti 90 a porsiento kadagiti personnel ti General Services Office (GSO) ti naan-anayen a nabakunaan kontra iti COVID-19.

Sigun kenni GSO Head Eugene Buyucan, buklen dagiti nabakunaan dagiti garbage collectors, volunteers pakairamanan dagiti gumatgatang iti recyclables iti transfer station ti syudad.

Kinunana a kaaduan kadagitoy ket fully vaccinated malaksid laeng kadagiti naipaayan iti Sputnik vaccine gaputa agingga ita ket awan pay iti available a second dose ti nasao a bakuna para kadagitoy.

Innayonna a dagiti nabatbati a saan pay a nabakunaan ket dagiti addaan iti saksakiten wenno parikot iti salun-at bayat a dagiti dadduma ket kontra iti pammati dagitoy.

Dinakamatna nga impaayda amin nga oportunidad iti sektor dagitoy tapnu makaalada iti bakuna ngem saanda a piliten nga agpabakuna dagiti agkedked nga mabakunaan.

-- ADVERTISEMENT --

Mainaiag iti dayta, kinunana nga awan pay ti nailista dagitoy a nagpositibo iti COVID-19 iti opisinada malaksid laeng iti maysa wenno dua a street sweeper ngem nakarekober metleang dagitoy.//cgdw7