-- ADVERTISEMENT --

BAGUIO CITY – Mapattapatta a dumanonen iti 85% ti nabakunaan kontra iti COVID-19 kadagiti traders ken truckers sadiay La Trinidad Vegetable Trading Post.

Sigun kenni Janice Binay-an Alleg, market supervisor ti nasao a trading area, adda pay dagiti nabatbati a saan a nabakunaan gaputa addaan dagitoy ti isyu iti salun-at.

Kagiddan ti daytoy, inyunay-unayna met a saanda nga ikalkalikagum ti vaccination card kadagiti sumrek iti nasao a trading area.

Al-allukuyena pay latta dagiti saan pay a nabakunaan a karaman kadagiti eligible population tapnu agpabakunadan kontra iti COVID-19, nangrunata agbalbalin a pangta ti ita ti Omicron variant.