© DA-Cordillera

BAGUIO CITY – Puntirya ti Department of Agriculture (DA) – Cordillera a mairehistro iti Registry System for Basic Sectors in Agriculture (RSBSA) ti 75% iti mapattapatta a 290,000 a mannalon iti entero a rehiyon Cordillera ita a tawen kagiddan ti panagbalin a digital ti sector ti agrikultura.

Sigun kenni Susan Balanza, dadaulo ti Planning, Monitoring and Evaluation Division ti DA-CAR, dumanon iti 15 paylaeng a mannalon ti nakarehistro iti nasao a programa.

-- Advertisement --

Kinunana a nasken a makarehistro iti nasao a programa dagiti stakeholders iti sektor ti agrikultura kas kadagiti mannalon, mangmangged kadagiti talon wenno pagmulaan ken dagiti mangngalap sakbayda a makapagnumar kadagiti nagduduma a programa ti DA.

Dinakamatna a nairugi ti panagparehistro dagitoy iti RSBSA kagiddan ti panakaimplementar ti Rice Crop Manager sadiay Kalinga ken Ifugao.

Aw-awisenna pay dagiti mannalon iti rehion iti panagparehistroda iti RSBSA babaen iti online kagiddan ti panagaramid ti DA-Cordillera iti pamuspusan tapno mapapardas ti panagrehistro dagiti mannalon ken maakomadar amin dagitoy nangruna dagiti adda kadagiti lugar a kurang ti panaka-ammoda iti teknolohiya.