-- ADVERTISEMENT --
photo | PRO-Cordillera

BAGUIO CITY – Nakemmeg ti pito a drug users bayat a nadadael ti dumanon P300-K a gatad ti marijuana plants iti nagsisina nga operasyon dagiti otoridad kontra iti iligal a droga ditoy rehiyon Cordillera.

Kinemmeg dagiti pulis sadiay Buguias, Benguet ti pito a mannalon kalpasan a naaktuwan ti pot session wenno panagar-aramat dagitoy iti iligal a droga iti maysa a kallapaw sadiay Obanga, Baculongan Sur, Buguias, Benguet.

Nabigbig dagitoy a da Amado Dolinen, 39; July Manuel, 33; Menandro Pa-ay, 29; Paul Mitas, 20; Elvis Mocate, 30; Enan Batio-an, 23 ken Eldito Alicwadey, 32.

Nakumpiskar kadagitoy ti 12 a pakete ti maatap a shabu ken nagduduma a drug paraphernalia.

Kabayatanna, pinarut ken inuram dagiti otoridad ti agarup P300-K a gatad ti mula a marijuana sadiay Kibungan, Benguet iti tallo nga aldaw a marijuana eradication operation.

-- ADVERTISEMENT --
photo | PRO-Cordillera

Nasurok 1,300 a fully grown marijuana plants ti naparut sadiay Barangay Tacadang bayat a nasurok 2,000 a fully grown marijuana plants ti naparut sadiay Barangay Palina.