-- ADVERTISEMENT --

BAGUIO CITY – Nalimitaran iti 50% operational capacity ti opisina ti Department of Agriculture-Cordillera kagiddan ti pannakaipasidong manen ti rehiyon iti General Community Quarantine.


Inwaragawag daytoy ni DA-CAR Regional Director Dr. Cameron Odsey kas maitunos iti pammilin ti National Inter Agency Task Force tapnu maliklikan ti panagpipinnulapol dagiti empleyado sadiay.


Kinunana a nakaawat ti ahensiya iti memorandum manipud ken DA Secretary William Dar a rotation ti panagtrabaho dagiti empleyado iti opisina bayat a mairekomendar ti work from home daduma.


Kagiddan iti dayta, impanamnama ni Odsey nga aramidenda latta dagiti rebbengda tapnu saan a maapektaran ti operasyon ti opisina dagitoy nangruna iti pannakaisayangkat dagiti a programa a maipaay iti publiko.